Þá er frábær helgi að baki. D kom í bæinn að austan og á stundum reyndist erfitt að draga hana frá sjónvarpinu (eða kannski ekki) vegna fráhvarfseinkenna (það er víst ekkert sjónvarp á Teigi). Á laugardaginn fórum við á djazz-tónleika á Jómfrúnni, tónleika sem haldnir eru á hverjum laugardegi í sumar, mismunandi stór-djazzarar koma fram og fólk situr og sötrar bjór og gæðir sér á dönsku smörrebröði. Þetta er einstakt framtak og gefur bæjarlífinu nýjan blæ. Vaka komst því miður ekki með okkur en hún smellti sér á Ólafsvík að heimsækja ömmu sína og afa. Ég renndi svo þangað á sunnudaginn að sækja hana. Við keyrðum fyrir nesið í blíðskaparveðri og nutum veðurblíðunnar. Þetta er svakalega fallegt svæði sem ég mæli með að fólk heimsæki hið fyrsta.
Nú hefur bloggið verið notað sem smá dagbók (hehehe), Ingimar minn á afmæli á morgun og ég bruna því norður í land í kvöld til að vera með snúði litla :)
Njótið nú góða veðursins á SV horninu á meðan það gleður okkur, áður en það fer að rigna í nokkrar vikur ;)
Gerast áskrifandi að:
Birta ummæli (Atom)
4 ummæli:
Takk fyrir frábæra helgi :)
Þú gleymir samt alveg að minnast á ferðina okkar þriggja út á land á laugardagsmorgninum, þ.e. þegar við fórum til Kópavogs í Smáralindina :)
Verð nú samt að segja að Snæfellsnesið stóð nú upp úr...
Snæfellsnesið er frábært :) og fallegt. Hefðuð átt að drífa ykkur í göngu með mér.....
kveðja
Linda
Satt segirðu, við gerum það næst :)
Takk fyrir mig :)
er ennþá í menningarsjokki eftir þessa rvíkurferð og mun tæpast jafna mig í bráð
en ferðin út á land í verslunarmiðstöðina úr Neðra mildaði sjokkið.
Skrifa ummæli