TheRural

Af http://sikunews.com

2009-03-04T11:15:00.002Z

More floating nukes!

Four more floating nuclear power plants planned for northern Russia...

Publisert: 02.03.09 13:11

Yakutia signed an agreement last week to build four floating nuclear power plants for use in its northern coastal areas.

The deal was signed on February 24, with the Rosatom State Nuclear Energy Corporation, reports the Barents Observer.

"It will help to preserve Russian leadership in this high-tech sector," writes Irina Tsurina, head of Rosatom’s Analytical Department of Propaganda on the web site of the state agency. "FNPP (floating nuclear power plant) is a new abbreviation that will soon come into general use. It is very important for us to make it associable with Russia - as sputnik and cosmonaut were in the Soviet times - as floating NPP is a unique Russian technology."

The deal between Yakutia and Rosatom outlines a series of investment projects in addition to the floating nuclear power plants, which include a uranium mine and a processing mill, reports Interfax.

The construction of Russia’s first floating nuclear power plant started at the Sevmash yard in Severodvinsk in April 2007, but in August 2008 Rosatom transferred the assignment to the Baltiiskii Yard in St. Petersburg.

But Rossiiskaya Gazeta has reported that plans for a series of floating nuclear power plants are far from being realized.

Rosatom still maintain that the world’s first nuclear electricity production on a floating barge will be ready by May 2010, according to Interfax.

The four new floating nuclear power plants may be built in Severodvinsk or in St. Petersburg.

If built in St. Petersburg the plants have to be towed out of the Baltic Sea and all the way along the coast of Norway before sailing into the Arctic waters to Yakutia.

When a plant needs maintance and change its highly radioactive spent nuclear, normally after four to five years, it will be towed back to Murmansk or Arkhangelsk regions.

Rosatom is planning to construct a total of seven or eight floating nuclear power plants by 2015, writes World Nuclear News.

Each floating nuke will be equipped with two water cooled reactors of the KLT-40S type. This reactor technology is a slightly modernized version of the reactors today in use onboard Russia’s fleet of civilian nuclear powered icebreakers based in Murmansk.

Ein afmælismynd...

2009-02-15T13:46:00.001Z

Tekin um áramótin

Afmæli

2009-02-15T13:44:00.001Z

Já, ég á afmæli í dag :) Hinn egósentríski ég varð að setja það hérna inn!!!

Gleðileg jól og farsælt komandi ár

2008-12-23T23:08:00.003Z

Gleðileg jól og farsælt komandi ár. Étið nú á ykkur gat, drekkið eins og þið getið og njótið augnabliksins :)

Ég biðst annars forláts á vöntun á jólakortum, enn eitt árið, en við Vaka erum að hugsa um að gera gangskör í þessum málum fyrir næstu jól.

Tilkynning

2008-12-16T08:49:00.003Z

Fyrir þá sem hafa misst af þessari frétt þá er Horst Tappert aka Derrick látinn, 85 ára að aldri.

Þáttaröðin um Derrick er sú vinsælasta í flokki lögregluþátta í Þýskalandi frá upphafi og engin þýsk þáttaröð hefur náð jafn mikilli dreifingu erlendis eins og Derrick.

Derrick var ekki lítið þekktur á Íslandi karlinn, hver man ekki eftir því þegar hann kom til Íslands, ef ég man rétt upp úr 1980. Íslenskar húsmæður urðu að grúpppíum á svipstundu og voru það helst hans frægu augnpokar sem heilluðu og svo auðvitað gleraugun (einn af mínum bestu vinum hefur á afrekaskránni að sporðrenna einu sambærilegu pari)

2008-11-24T21:37:00.002Z

Hún Þórhildur Reynisdóttir er systurdóttir mín. Hún er 11. ára og orti eftirfarandi ljóð. Síðasta erindi ljóðsins er viðlag. Njótið, þetta er tær snilld:

Ég ætla að segja þér sögu af lítilli þjóð,
sem stritað hefur í aldir sæl og rjóð.

Allir vildu vel og hjálpuðust að,
Það var í þátíð, þannig var það,

Svo tók yfir þjóðina klár maður mjög,
þó hann og hans menn þekktu engin lög,

Hans flokksmenn hræddir fylgdu með,
þorðu ekkert að segja enda bara peð,

úr ráðherrastóli hann gamall steig niður,
héldu þá menn að yrði loks friður,

En þá fór hann í bankann og tók fjármálin yfir,
og flokkurinn í hans stjórn enn lifir,

Hann neitaði vexti að lækka,
og í staðinn skuldir fólksins hækka,

Hann tók sína menn á næturfund,
þeir keyptu banka, léttir í lund,

og menn á hausinn fara eftir hlutabréfaleik,
því þjóðin sparaði ekki og er peningaveik,

Nú er það svart og engin von,
og hver verður NÆSTI Davíð Oddsson?

Höf. Þórhildur Reynisdóttir
Ort 23. nóv. 2008.

Heimasími

2008-11-22T10:29:00.001Z

Heimasíminn á nýja heimilinu okkar Vöku hérna á Framnesvegi 34 er 5710285. Nú er því ódýrara að hringja í okkur so feel free :)

2008-11-21T15:53:00.001Z

Íslenska útrásin

2008-10-21T21:59:00.003Z

Íslensku útrásinni eru gerð góð skil í síðasta Kompási á Stöð 2. Slóðin er eftirfarandi: http://www.visir.is/article/20081021/FRETTIR04/331387412&sp=1
Þetta er mjög góður þátt sem allir ættu að horfa á.

Annars er allt gott að frétta, ég var læknisfrú á Sauðárkróki síðustu viku, lærdómurinn réð ríkjum og maður rétt heimsótti nánustu ættingja. Stáksi var hjá okkur í tvær nætur, lilli snilli var í essinu sínu og var vægast sagt ánægður með nýju klippinguna sína, hanakamb og það er ekki laust við að hann hafi þroskast mikið eftir að lokkarnir hurfu.Ég var að ræða við Helgu systur í dag um þessa miklu tísku-meðvitund stráksa og hún segir að þetta sé frá mér. Ég man nú reyndar ekkert eftir því að hafa eytt miklum tíma fyrir framan speginlinn, en hvað man maður. Ég get ekki efast um hennar orð.

Ritgerðin mín gengur bara vel, ég er búinn að taka 3 viðtöl af um 10 og svo bætast við 3 á næstu 5 dögum, já maður nær kannski bara að útskrifast í febrúar 2009. Svo verður bara að sjá hvernig gengur að fá vinnu. Ef það gengur ekki þá er ég með eitt hálmstrá, það er að telja bíla, en það hefur verið "vinnan" sem ég hef verið að þvælast í síðustu vikur. Fín vinna, ágætlega borguð sem maður getur kannski helgað sig ef atvinnuleitin ber ekki árangur. Reyndar er ég bjartsýnn, ennþá :)

Síðast eru svo fréttir af okkur Vöku, við erum að fara að flytja á Framnesveginn, slotið okkar, svo það verður innflutningspartý einhvern tíma á næstu vikum. Dagsetning hefur ekki verið ákveðin!

Ég bið ykkur svo bara vel að lifa, og lifið lífinu lifandi :)

Landbúnaður

2008-10-10T12:55:00.003Z

Nú heyrist ekki mikið í þeim sem hafa agíterað fyrir frjálsum innflutningi á landbúnaðarvörum! Íslenska sauðkindin er nú betri en engin. Borðum innlent!!!
(Myndin tekin af síðunni http://www.simnet.is/lon/Kindviku.htm)

2008-10-09T08:16:00.000Z

Ignorance is a BLISS!!!

Glitnir

2008-10-06T14:35:00.002Z

Talsmaður Glitnis fer á kostum í viðtali við fréttamann NRK - sjá á slóðinni http://www.ruv.is/heim/frettir/frett/store64/item229868/
Eins gott að maður verði betur undirbúinn ef maður verður einhvern tíma á skjánum :)

Story of Stuff

2008-09-26T14:37:00.001Z

Hafirðu smá tíma aflögu á annars annasömum degi, horfðu þá endilega á myndina Story of Stuff sem hægt er að horfa á á linknum www.storyofstuff.com

Rjúpnaveiðar!!!

2008-09-26T11:56:00.001Z

Veiði á rjúpu hefur verið heimiluð með sama sniði og í fyrra, veiða má fimmtudaga til sunnudaga :) Maður fer sem sagt austur í nóvember!!!

Nú er

2008-09-24T18:41:00.001Z

allt í járnum, brjálað að gera, og þótt ótrúlegt megi virðast sé ég fram á að útskrifast í nánustu framtíð (eftir svona eina meðgöngu) :)

Sikunews.com/

2008-09-10T12:05:00.002Z

http://sikunews.com/ er vefsíða sem enginn áhugamaður um norðurslóðir og fréttir þaðan ætti að láta framhjá sér fara. Fréttir af umhverfisbreytingum og fréttir úr öllum hornum norðurslóða eru þar ríkjandi!

Slóðar á vinstri akrein!!!

2008-09-09T14:25:00.002Z

Fólki er ekki við bjargandi. Frétt á mbl.is í dag segir frá 4. bíla árekstri á Hringbraut í morgun og á myndinni sem fylgir fréttinni sést að þessir aðilar voru á vinstri akrein. Skilur fólk virkilega ekki að vinstri akreinin er ekki aðalakreinin, heldur sú hægri. Sú vinstri er til þess hugsuð að hægt sé að taka framúr og fyrir hraðari umferð. Lenti meirað segja í því á leiðinin yfir Hellisheiði um helgina að það voru sleðar á vinstri akrein þar sem vegurinn yfir heiðina hefur verið tvöfaldaður!!

Það er bara eitt um þessa aðila að segja: "Fólk er FÍFL"!!!

Myndir úr lífi mínu síðust vikur...

2008-09-09T10:25:00.005Z

Skuggarnir fara að lengjast en hreindýrin í óróanum mínum láta ekki deigan síga og hringsnúast þegar sólar nýtur við

Geitungarnir fóru að finna að endirinn var nærri og fóru því í hverja sjálfsmorðsárásina á fætur annarri í dauðagildruna mína. Hún kom alla vega í veg fyrir að þeir væru að angra okkur Vöku inni í íbúðinni okkar (sem er nota bene á 5. hæð)

Leifur (til vinstri á myndinni), mágur minn, komst með liði sínu Stjörnunni í undanúrslit í sínum flokki í Íslandsmótinu í knattspyrnu. Þeir komust því miður ekki í úrslitin en greinilegt er að Stjarnan stendur vel að ungmennastarfi sínu!Ein mynd verður að fylgja af prinsinum, frá því hann var hjá okkur síðast fyrir um mánuði síðan. Man nú ekki alveg hvað var í gangi en fjörið var alla vega mikið, líkt og alltaf þegar þessi elska kíkir í 101 Reykjavík :)

Varaforsetaefni repúblikana

2008-08-31T11:06:00.004Z

heitir Gov. Sarah Palin.
Haft hefur verið eftir henni að hún trúi ekki að lofslagsbreytingar séu af manna völdum!
(heimild: http://sikunews.com/art.html?artid=5345&catid=19)

Á sömu vefsíðu er greint frá ótta sænskra vísindamanna um að metan sé farið að losna úr sífreranum í Síberíu í meira mæli en áður var talið.
(heimild: http://sikunews.com/art.html?artid=5347&catid=19)

Besta kaffi í Reykjavík!!!

2008-08-29T14:27:00.004Z

Og þótt víðar væri leitað. Ég var að klára besta kaffi sem ég hef smakkað lengi! Það var Americano, keyptur á Kafé d´Haiti sem er smá-kaffihús staðsett í Tryggvagötu, í næsta húsi við Crua Thai (nær miðbænum). Ég veit ekki opnunartímann en það er alla vega opið þar yfir miðjan daginn. Kaffið er Fair Trade! Endilega verslið ykkur kaffi þarna, það er vel þess virði.

Verðbólgan..

2008-08-27T15:59:00.002Z

mælist núna 14,5%. Það mun vera hæsta verðbólga sem mælist á Íslandi síðan 1990.

Smáborgarinn ég...

2008-08-27T15:56:00.003Z

Menntamálaráðherra fór ásamt ráðuneytisstjóra menntamálaráðuneytisins og mökum til Peking að hvetja strákana okkar (og aðra keppendur líka). Þetta kostaði 5 millur. Hún fór nefnilega tvisvar út. Hefði ekki verið nóg að borga fyrir opinberu starfsmennina en ekki makana?

Ólympíuæði

2008-08-26T10:01:00.005Z

Í tilefni af því að við, Íslendingar, erum þriðja sigursælasta þjóð Ólympíuleikanna, miðað við höfðatölu auðvitað þá langar mig að benda á nokkrar "íþróttagreinar" sem keppt hefur verið í á ólympíuleikum en eru ekki lengur keppnisgreinar. Þar eru nokkrar greinar sem við gætum örugglega einnig gert garðinn frægar í - og unnið jafnvel gull (sem er auðvitað krafan, sama hversu lítil þjóðin er!!!).
Reyndar eru þetta allt greinar sem við Íslendingar getum verið góð í, vegna þess hversu "bezt í heimi" við erum:

100 metra sund sjómanna með frjálsri aðferð (sjóstakkasund tíðkaðist á árum áður á sjómannadaginn) - síðast keppt í árið 1896
Hindrunarsund - síðast keppt í árið 1900
Dúfuskotfimi - með lifandi dúfum - síðast keppt í árið 1900
Næst er það kraftlyftingar úti um allt (mín þýðing). Til nánari skýringar sjá mynd! - síðast keppt í árið 1904
Skotfimi með byssum notuðum til einvígja (kannski lítlar líkur á að við ynnum þetta, enda friðsemisþjóð) - síðast keppt í árið 1912
Tvíhent spjótkast. Okkur gæti alla vega ekki gengið ver í þessari íþrótt en spjókasti almennt - síðast keppt í árið 1912
Reipitog. Öruggur sigur, við erum jú sterkust í heimi! - síðast keppt í árið 1920
Kaðlaklifur. Bókað gull þar - síðast keppt í árið 1932

Svo mætti bæta við íslenskri glímu. Við hlytum að vinna hana, hún er nú einu sinni kennd við okkur!

ÍSLAND - BEZT Í HEIMI!

Mengun

2008-08-19T15:23:00.003Z

Já, við erum meira að segja eftirbátar Kínverja (þegar þeir sýna sparíandlitið) hvað mengun varðar þessa dagana. Við getum reyndar kennt restinni af Evrópu um í þetta skiptið :) en stöndum okkur "rosalega" vel líkt og fyrri daginn Við búum jú á svo "hreinu" landi!
(heimild Vísir.is)

Uppeldi!

2008-08-12T09:56:00.002Z

Ingimar: "Hvoru megin er KR-merkið?" (á KR-buningnum)
Pabbi hans: "Vinstra megin"
Ingimar: "Af hverju?"
Pabbi hans: "Vegna þess að það er þar sem hjartað er!"

Já, uppeldið er í fullum gangi, hann mun halda með KR. Og hana nú!

Vestmannaeyjar

2008-08-05T16:15:00.002Z

Þá er maður kominn úr Eyjum (komumst þaðan í gær). Við unglingarnir höfðum það fínt, Vaka lappaði upp á þá marga og var svo að fram kominn eftir þessa 24 tíma vinnutörn að hún svaf í rúmlega hálfan sólarhring. Myndir koma von bráðar :)

Next we...

2008-07-30T21:49:00.002Z

take Reykjavík. Já næsta stopp er Reykjavík. Meira flakkið á manni, meirað segja svo mikið að Ingimar vatt sér víst að ókunnri konu á Króknum og sagði henni allt um flakk pabba síns. Það var eitthvað á þessa leið: "Ég á pabba, hann á heim langt í burtu og hann á aldrei heima á sama stað. Hann átti heima í Reykjavík. Núna á hann heima á Akureyri en er aftur að flytja til Reykjavíkur".
Það er fátt sem fer framhjá þessum snilla :)

Prins

2008-07-24T15:21:00.004Z

Prinsinn minn átti afmæli fyrir viku síðan :) Einhverjir gætu undrast yfir því af hverju ég segi svona seint frá því, en þannig er mál með vexti að þegar barnið mans verður 5 er það ágætis realití tékk sem maður þarf tíma til að ná sér á. Svo sá ég líka í veislunni BÁÐAR tengdadætur mínar sem var nú ágætis biti í háls, hélt að ein væri nú nóg (eru á myndinni hérna fyrir ofan).
Afmælisveislan var annars mjög fín, nánast enginn grátur og stráksi fékk fullt fullt af gjöfum. Tæplega fjörutíu manns voru í veislunni, svo það er spurning hversu margir verða þegar drengurinn fermist. Afmælistertan var Súperman-terta og hann fékk líka slíkan búning frá okkur . Reyndar var ManU gallinn fyrir valinu til að vera í í veislunni, enda verðandi atvinnumaður þarna á ferð!
Margrét, litla systir Ingimar var líka rosa hress, er hætt að vera mannafæla og hún og Vaka voru hinar bestu vinkonur. Vaka las fyrir hana og svo skottaðist hún um í prinsessupilsi, hin mesta dama þar á ferð :)

Faðir rekinn

2008-07-22T13:13:00.003Z

úr vinnu vegna þess að hann tók fæðingarorlof - í Danmörku (politiken.dk). Spurning hvenær þetta fer að gerast á Íslandi - eða er þetta kannski að gerast án þess að maður frétti af því?

Fer fólk virkilega til Kamtjatka

2008-07-22T13:07:00.002Z

og er ekki með byssur (riffla) með sér? Það virðist alla vega raunin hjá þessum 30 jarðfræðingum sem verið er að éta á þssum slóðum (sjá frétt á politiken.dk). Ótrúlegt að ekki hafi verið haft samband við mig og ég beðinn um að fara með, með byssu í hendi (eða einhver annar veiðimaðurinn). Alla vega þá bíð ég mig fram í næstu ferð!

Ný heimasíða

2008-07-21T10:45:00.004Z

Nei ég hef ekki opnað nýja heimasíðu, en það hefur Gylfi Ægisson hins vegar gert - www.gylfiægisson.is - Ég vil endilega mæla með þessari síðu. Hún er hrein og tær snilld og sýnir enn og aftur hversu mikill snillingur hann Gylfi er! Sjón er sögu ríkari.

Niðurstöður

2008-07-21T10:42:00.002Z

Niðurstöður óvísindalegrar rannsóknar minnar, sem gerð var með samanburði á ökulagi Reykvíkinga og Akureyringa, benda til að ökumenn (muna, konur eru líka menn) á Akureyri virði frekar umferðarreglurnar en þeir sem aka í Reykjavík. Sést það helst á því að ekki er farið jafn mikið yfir á rauðu hér á Akureyri en sjá má í Reykjavík. Takið eftir þessu þegar þið eruð næst á ferðinni!

Allt að róast...

2008-07-06T08:54:00.004Z

Nú er stráksinn farinn, ég að fara að keyra mömmu og ömmu til Neskaupstaðar þannig að það verður heldur tómlegt þegar Vaka kemur heim úr vinnunni í kvöld. Stefnan er jafnvel tekin á Hellisfjörð á morgun, ef ekki verður þoka. Enn eru ekki allar nætur bókaðar hérna hjá Hótel Óla, þannig að áhugasamir geta enn bókað gistingu í júlí :) Ein mynd látin fylgja af kósý-heitum per exelance á meðan Ingimar var hérna, lestur fyrir svefninn, Goggur glænefur í þetta skiptið.

Frá sömu framleiðendum

2008-06-24T10:14:00.002Z

og Fahrenheit 9/11 og Bowling for Columbine, myndin Bigger, Stronger, Faster
Athyglisverður trailer þetta :)

Allt að gerast

2008-06-22T12:55:00.002Z

á blogginu.
Ruth benti mér á þessa frábæru síðu fyrir þá sem vilja geta slegið um sig með fræknum frösum http://www.atrixnet.com/bs-generator.html
Sem dæmi má nefna setninguna:
"authoritatively deliver granular niche markets" hvað þetta hins vegar merkir, veit ég ekki :)

James Bond-heilkennið

2008-06-22T10:36:00.002Z

er heilkenni sem hrjáir playera sem eiga til að nýta bráð sína og hugsa bara um eigin hag. Þeir eru víst hins vegar ekki eftirsóknarverðir þegar byggja á upp fjölskyldu. Þetta er ein þeirra frétta sem ég hef hugsað mér að fjalla um á þessu bloggi, en vegna leti hefur það bara ekki orðið að veruleika.

Önnur frétt sem mig hefur langað til að fjalla um er mótleikur Dana við reykingabanninu sem sett var á á síðusta ári. Það er "den elektriske cigaret" eða »e-cigs«. Hún gefur ekki frá sér reyk en í hana eru settar fyllingar með nikótíni. Þær eru því ekki bannaðar vegna þess að þessar sígarettur eru flokkaðar sem "livsstilsprodukt". Danirnir alltaf góðir :)

Þriðja fréttin var að Svarthöfði, síðasti göngumaður í "skrúðgöngu" presta á prestaþingi hafi verið á vegum Vantrúar. Hann tók sig mjög vel út í göngunni og ég held bara að biskup ætti að bjóða honum næst að vera með. Lífgaði heldur betur upp á þessa annars drungalegu göngu (segir mikið til um gönguna fyrst svarthöfði lífgar upp á hlutina.

Bað rauðhöfðaandarinnar

2008-06-16T11:06:00.001Z

Muna brosið :)

2008-06-14T22:25:00.002Z

Kínverjar æfa Olympíu-brosi (sjá nánar þennan link). Einhvernvegin kemur þetta manni ekki á óvart, "kommarnir" standa fyrir sínu :)
Annars erum við V að fara á Mugison og fleiri núna, með bros á vör (óæft). Ég óska ykkur gleðilegrar helgar, ég er að fara að skemmta mér á tónleikum.

Akureyri

2008-06-10T13:04:00.000Z

Þá er maður kominn til Agureyris - eins og Bjöggi Halldórs sagði um árið. Erum í fanta fínni íbúð og getum því tekið á móti gestum og gangandi :) Hér verður besta veðrið í sumar!!!

Á meðal jafningja

2008-05-23T14:46:00.004Z

Nú hefur verið haft í hótunum um að bloggið mitt verði afskrifað eftir 58 daga (í dag), ef ég man rétt! Ég verð því að bregðast við svoleiðis hótunum og henda inn færslu.

Þannig er mál með vexti að nú er listahátíð í Reykjavík, og eitt af listaverkunum eru myndir af flestöllum börnum á landsbyggðinni milli 3. og 6. ára. Mamma fór því að rýna í vegginn með myndunum, sem er á horninu á Lækjargötu og Austurstræti, til þess að sjá hvort okkar maður leynist ekki þar, og jú, vitir menn, þarna er hann og það í tvíriti :) Auðvitað ekki að undra þar sem hann er jú fallegasta barn í heimi (fjögurra að verða fimm). Hérna er mynd af veggnum, nú er spurning hvort þú sérð stráksa:

Annars er allt að gerast, hún Vaka mín er að fara til Akureyrar um næstu helgi, ég fer einhverjum dögum síðar og við verðum þar í júní og júlí - sért þú því lesandi góður á ferðinni, hafðu þá samband - við tökum alltaf vel á móti gestum, og gangandi :)

Vinnan

2008-05-05T13:30:00.002Z

Ég fékk ekki vinnuna sem ég sótti um :-( En í staðin förum við Vaka bara út saman fyrstu mánuði næsta árs :-)
Það borgar sig að vera með backup plan :-)

Nýja Jórvík

2008-04-23T12:18:00.003Z

Nýja Jórvík er næsti viðkomustaður minn. Kannski verður bloggað þaðan næst?

Gleðilegt sumar öll sömul!!

Mín heittelskaða yndislegasta kærasta

2008-04-11T19:00:00.005Z

átti að sjálfsögðu mynd af Rollunni minni, þ.e. Patrolnum. Hvað gerði ég án hennar? Auðvitað hefði ég átt að spyrja hana bara strax... ohh... ég get stundum verið svo eitthvað utan við mig.

Takk elsku besta Vaka dúllan mín!!! Set inn eina frábæra mynd af þér í þakklætisskyni!!!

ps... Þetta bloggaði "mín heittelskaða" sjálf, ég bað hana bara að setja inn mynd af Pattanum

Hehehe....

2008-04-09T12:05:00.001Z

Ég er búinn að selja jeppann minn :(

2008-04-09T11:02:00.002Z

Ég seldi Rolluna í gær (nick fyrir Nissan Patrol). Svo þegar ég var að leita að mynd af kagganum fyrir þessa færslu komst ég að því að ég á ekki mynd af honum.... búhúhúú... Ég bið þig því lesandi góður, ef þú átt mynd af minni elskulegu rollu að senda mér eintak af myndinni.

Þjóðarsorg hefur því verið lýst yfir frá og með deginum í dag!

Umhverfisdagar við HÍ - Hefur þú grænan grun?

2008-04-01T16:41:00.003Z

Það er mér mikil ánægja að kynna umhverfisdaga í HÍ - ÞETTA ER EKKI GABB!!!

Dagskrá Umhverfisdaga í Háskóla Íslands er eftirleiðis:

1. apríl:

11:30
Opnir básar á Háskólatorgi - umhverfisvænar vörur og lausnir

16:40
Sýning heimildamyndarinnar „We Feed the World“ (96 mín – enskur texti) og umræður í lok myndar um efni hennar.
Stofa HT-105, Háskólatorgi.

2. apríl:

12:00
Hádegisfyrirlestrar Umhverfisdaga: Kaupa fyrst, henda svo?

Tilraunir á áhrifum verðs á kauphegðun íslenskra neytenda. - Valdimar Sigurðsson, lektor við viðskiptadeild HR
Úrgangsmálin á höfuðborgarsvæðinu: Hver og einn skiptir máli í góðri meðhöndlun með gott hráefni. - Ragna Ingibjörg Halldórsdóttir, deildarstjóri gæða- og þjónustusviðs Sorpu
Stofa HT-104, Háskólatorgi.

20:30
Umhverfis-Quiz - Spurningameistari er Katrín Jakobsdóttir.
Staður: Highlander, Lækjargötu 10.

3. apríl:

21:00
Uppskeruhátíð Umhverfisdaga á Grand Rokk!
Staður: Grand Rokk, Smiðjustíg 6.

Ég hvet alla til að mæta og leggja þessu málefni lið. Þeir sem standa að þessum dögum eru:

GAIA - félag meistaranema í umhverfis- og auðlindafræði
Stúdentaráð HÍ
Stofnun Sæmundarfróða

"Skilja við ömmu og afa auk pabba" - Frétt af mbl.is í dag

2008-03-27T09:22:00.001Z

Við skilnað foreldra veikjast tengsl barnsins við föður sinn og föðurforeldra og virðist sjaldgæft að föðurleggur komi í stað móðurleggs þegar móðurættin veitir lítinn stuðning, skv. umfangsmikilli nýrri rannsókn Sigrúnar Júlíusdóttur, prófessors í félagsráðgjöf við Háskóla Íslands, á aðlögun og líðan 18 ára ungmenna í kjölfar skilnaðar.

Minni tengsl við föðurættina má m.a. sjá af því að þeir sem reynt höfðu skilnað töluðu sjaldnar við föður sinn og hans foreldra en hin ungmennin gerðu, leituðu síður til þeirra og voru ólíklegri til að telja þau til nánustu aðstandenda. Þetta skýrir Sigrún með sterkri stöðu móðurinnar í lífi barnsins, sem rækti meira tengslin við sitt fólk en tengdafólk. Það mynstur verði svo skýrara við skilnað.

Aðspurð um hvernig megi skýra það að meiri þátttaka feðra í barnauppeldi hafi ekki skilað jafnari ábyrgð, segir Sigrún niðurstöðurnar hafa komið á óvart en mögulega liggi þetta í ólíkum hlutverkum foreldranna. Þótt pabbinn sé mikið með börnin sé hann oft að leika við þau en móðirin taki að sér ábyrgð og stjórn.

Pabbinn ósýnilegur

Ein af þeim spurningum sem lagðar voru fyrir ungmennin sem reynt höfðu skilnað foreldra var hvort þau teldu þar einhverjum um að kenna. Af þeim sem það gerðu nefndi skýr meirihluti, 87%, föðurinn sem sökudólg. Til samanburðar kenndu aðeins 3% móðurinni um.

Aðspurð um hver hefði sagt þeim frá skilnaðinum sagði þriðjungur foreldrana hafa gert það í sameiningu og fjórðungur að móðirin hefði gert það. Í handriti að skýrslunni, sem 24 stundir hafa undir höndum, er bent á að tengsl geti verið á milli þess og að föðurnum sé kennt um skilnaðinn. „Draga má þá ályktun að ósýnileiki föður í sjálfu skilnaðarferlinu ýti undir hugmyndir barna um hann sem „sökudólg“, ekki síst þar sem móðir ber jafnframt mesta ábyrgð og tekur frekar að sér útskýringar.“

Þá kemur fram að þótt fráskildu foreldrarnir hefðu flestir hafið aðra sambúð þegar könnunin var gerð voru feðurnir líklegri til að skipta oftar um maka og eignast börn í seinni samböndum. Telja höfundar að þetta geti veikt stöðu föðurins í huga barnsins enn frekar.

Þarf meiri fræðslu um skilnaði

Til þess að draga úr neikvæðum áhrifum skilnaðar á börn, leggja skýrsluhöfundar til að efld verði fjölskyldufræðsla fyrir verðandi foreldra og að þeir foreldrar sem sækja um skilnað fái sérstaka fræðslu um hvernig best sé að standa að málum svo að skilnaðurinn hafi sem minnst áhrif á börnin.

Að lokum er lagt til að þeir foreldrar sem hvað erfiðast eiga með að leysa úr sínum málum fái til þess aðstoð og að börn þeirra fái sérstakan stuðning.

Í hnotskurn

Skýrslan „Aðlögun og líðan ungmenna í kjölfar skilnaðar foreldra,“ er eftir Sigrúnu Júlíusdóttur, Jóhönnu Rósu Arnardóttur og Guðlaugu Magnúsdóttur. Hún verður gefin út á næstu dögum af Rannsóknasetri í barna- og fjölskylduvernd í HÍ. Notaðir voru spurningalistar og var úrtakið 1200 framhaldsskólanemar. Svarhlutfall var 71,2%.

Síðbúið páskablogg :)

2008-03-26T14:09:00.003Z

Já þá er páskarnir liðnir, maður er búinn að reyna á það enn einu sinni að öl er böl, en einhvern vegin gleymir maður því alltaf á milli þess sem maður fær "sér einum" of mikið. Reyndar er raunarsögu (mánudagsins síðasta) því um að kenna að ég borðaði ekkert á leiðinni heim úr bænum, því er note to self alltaf að koma við á Pizza-King og fá sér eina 12". Þetta frí er annars búið að vera alveg frábært. Vinir mínir frá Tübingen í Þýskalandi, þeir Stephan (Stebbi) og Niels eru búnir að vera tíðir gestir hjá okkur Vöku í mat. Mikið er búið að skrafa og láta vitleysislega, og ég verð að hrósa henni Vöku minni fyrir frábæra tilburði í Þýskunni. Það er hreint ótrúlegt að hún hafi aldrei áður talað Þýsku af neinu viti. Hún er einfaldlega náttúrutalent þessi elska :) Við fórum svo með þeim félögum í bíltúr á mánudaginn (þynnkudaginn), ég svaf fyrsta hluta leiðarinnar en frá Búðum var ég með rænu og svo eftir vöfflurnar og kaffið á Ólafsvík á ömmu og afa Vöku reis landið hratt og ég var hinn brattasti þegar heim var komið hehe. Afi Vöku, hann Elinbergur, bað okkur svo vinsamlegst að koma sem oftast því hann fengi aldrei svona gott með kaffinu nema þegar gesti bæri að garði. Eitthvað held ég nú að þar sé um ýkjur að ræða, en hann getur treyst á að við komum sem oftast, það er alltaf jafn gaman að koma til hans og Heiðu.
Ég vona að þið hafið haft það sem allra best mín kæru, ég set bráðum inn myndir úr ferðinni um Snæfellsnesið, sem virðist mér vera óendalegt ljósmyndaefni :)

Spam-komment

2008-03-17T10:53:00.001Z

Þá er það fyrsta komið í höfn, var sett inn við síðustu færslu. Athyglisvert að einhverjir skuli vera að stunda þessa iðju.

Endurvinnsla - réttur trjánna

2008-03-12T15:17:00.005Z

Híhí

2008-03-10T14:58:00.001Z

Úti á landi

2008-03-01T11:34:00.003Z

Stjörnuspá dagsins af mbl.is:
Vatnsberi: Losaðu þig við alla óþarfa sviðsmuni. Þeim mun hæfileikaríkari sem þú ert, þeim mun minna aukadót hefurðu þörf fyrir. Þjálfaðu það sem skiptir máli.

Ég veit nú ekki nákvæmlega hvað þetta þýðir - en tek þessari ábendingu með brosi á vör :).

Ég er annars staddur á Ólafsvík - Snæfellsnesi. Vaka er hérna á læknavakt yfir helgina og það er vægast sagt búið að vera nóg að gera hjá henni. Ég vona nú samt að hún fái frið til þess að slappa aðeins af - svo hún verði nú ekki of þreytt í næstu viku!

Eigiði svo góðan bjórdag elskurnar mínar :) og áframhaldandi góða helgi!

Háskólinn á Hólum í Hjaltadal

2008-02-26T17:02:00.001Z

Ég rakst á þessa mynd um Hólaskóla á holar.is núna áðan. Ég mæli með henni. Hún er mjög flott.

Hreindýr

2008-02-25T15:31:00.003Z

Ég fékk ekki úthlutað hreindýri, en er númer 70 (kvóti 68 kýr á svæðinu) á svæði 5 (Svæði 5. Fjarðabyggð, þ.e. Eskifjörður, Norðfjörður og Reyðarfjörður, einnig sjá mynd) sem þýðir að ef tveir hætta við að taka sín dýr býðst mér að fara. Nú er því bara spurningin hvort ég tek því boði (ef það býðst)?

Hylling

2008-02-22T12:00:00.001Z

Loksins hefur vinur minn hann Hlynur tileinkað mér færslu á blogginu sínu - Nokkuð sem hann hefur lofað mér um langt skeið. Takk fyrir Maple!! Hér er linkurinn http://www.themapleman.blogspot.com/

Hugleiðingar

2008-02-20T11:20:00.002Z

Ég er í áfanga sem nefnist svæði og menning. Hér kemur ein dagbókarfærslan úr þeim áfanga sem við þurfum að skila vikulega. Það er spurning hvort þessi nýbreytni fellur í kramið :)

Í umræðum um „vísindaritið“ National Geographic (N.G) í síðasta tíma vöknuðu hjá mér nokkrar spurningar, þar á meðal hvort N. G. sé vísindatímarit (í eiginlegum skilningi þess orðs) og svo í kjölfarið mörkin milli þess að birta vísindagreinar og greinar sem frekar hafa skemmtana- og eða fræðigildi fyrir lesandann án þess að textinn sé tormeltur og illskiljanlegur fyrir hinn almenn a lesanda. Þar sem markhópur útgefenda N. G. er menntuð millistétt Ameríkana mætti ætla að hægt væri að fæða þá með öðru en léttsöðnum greinum um allt hið góða í heiminum og yfirburði hvíta mannsins (Ameríkana).

Þegar rit eru gefin út í heiminum eru þau flokkuð eftir markhópnum með því að bjóða upp á greinar sem henta og höfða til hvers flokks lesenda. Blöð ætluð verkfræðingum fjalla um viðfangsefni verkfræðinga, svo byggingar brúa og blöð ætluð mannfræðingum fjalla um umfjöllunarefni mannfræðinga, t.d. vettvangsrannsóknir gerðar um heim allan. Oft á tíðum eru þessi rit mjög sérhæfð og þýðir þá lítið fyrir hinn almenna borgara, sem ekki hefur bakgrunn eða aðra þekkingu á viðfangsefnum sérritanna, að ætla að setjast niður og fá eitthvað út úr þeim lestri. Hvað er þá til ráða til þess að ná til hins almenna lesanda, og fræða, sem ekki less þessi áður nefndu sérfræðirit.

N. G. er eitt elsta „vísindarit“ sem gefið er út í heiminum í dag, ritið á rætur sínar að rekja til loka 18. aldar þegar The National Geographic Society var stofnað árið 1888. Stofnendur félagsins voru úr elítu þess tíma og blaðið var ætlað hinni menntuðu millistétt til að byrja með en ekki ólærðum lýðnum. Ritið var því rit sérfræðinga. Enn þann dag í dag er blaðið ætlað sama markhópi en það sem hefur breyst er að blaðið höfðar til allra, en þá breytingu má rekja til þess að Alexander Graham Bell tók við stjórn blaðsins 1898.

„Bell seemed much more attuned to the Society‘s mission to disperse geographic knowledge rather than to promote new research, and he believed that people would read geography only if it were light and entertaining” (Fjölrit bls. 16)

Breytinguna má einnig rekja til Gilbert Hovey Grosvenor.

„As a result of Grosvenor‘s innovations, the Geographic style became mor similar to that of other popular monthlies, marked by „a realism full of pep and information““ (Fjölrit bls. 16)

Byggt á þessari tilvitnun hef ég, þegar rætt er um N. G., orðið vísindarit í gæsalöppum. Í mínum huga er N. G. nefnilega ekkert vísindarit, nema þá vísindarit fyrir almenning þar sem valdar eru greinar sem ætla má að hann skilji og vilji lesa.

Önnur lögmál gilda fyrir vísindarit ætluð almenningi en þau sem ætluð eru vísindamönnum (sérfræðingsrit). Vísindarit fyrir almenning þurfa ekki að vera bökkuð upp af rannsóknum sem framkvæmdar hafa verið á þeim sviðum sem ritin fjalla um, greinarnar eru byggðar (oftast) á stuttum vettvangsrannsóknum eða upplifun greinarhöfundar. Þetta form bíður upp á skekkju þegar efnið er svo matreitt fyrir lesandann, líkt og þekkt er í mannfræðinni, ef greinarhöfundur passar ekki upp á að blanda ekki eigin skoðun á viðfangsefninu við hlutlausa umfjöllun sína sem lesandinn á heimtu á. Útgáfa á ritum eins og N. G. er því ekki auðveld og þurfa þeir því líklega að hlusta á mikla gagnrýni á skrif sín og passa sig sérstaklega á því að vera hlutlausir í umfjöllun sinni - miðað við umræðuna í síðasta tíma virðist þeim ekki alltaf takast það!

eins og talað úr mínu hjarta

2008-02-19T09:11:00.001Z

alltaf góðir

2008-02-18T10:32:00.003Z

Ég á afmæli í dag :)

2008-02-15T14:01:00.004Z

Sem sjálfhverfur einstaklingur í fílabeinsturni tilkynni ég hér með að ég á afmæli í dag!!! Ég þakka ykkur öllum fyrir öll liðnu árin (úff þetta hljómar orðið eins og jólakveðja). Ég elska ykkur öll (búhúhúhú...)

Jújú, alltaf eðlilegur

Fréttaskot

2008-02-11T13:31:00.000Z

Nú er sko ýmislegt að frétta. Ef einhver skyldi ekki vita af því þá erum við Vaka að flytja saman í íbúð á stúdentagörðunum á Lindargötu. Við erum raunar flutt, erum komin með mest okkar hafurtaks á staðinn og erum farin að sofa þar. Sjón er annars sögu ríkari og ef þig lesandi góður langar til þess að sjá best skipulögðu íbúð á stúdentagörðunum verðurðu bara að koma í heimsókn :)
Það sem er svo líka að frétta er að Ingimar er hérna í Reykjavík núna, er veikur, svo að það verður ekki mikið úr lærdómi næstu daga. Vonandi batnar honum nú samt sem allra allra fyrst svo að hægt verði að fara út og gera eitthvað skemmtilegt hið fyrsta.
Það þriðja sem er í fréttum er að búið er að samþykkja rannsóknaráætlun mína af stjórn verkfræðideildar HÍ (ég mun því útskrifast frá þeirri deild) svo að nú mun ég hald ótrauður áfram í átt að takmarki mínu, sem er að útskrifast eftir akkurat ár, eða í febrúar 2009.
Nú er hins vegar komið að því að fara að hugsa um barnið, sem er auðvitað ótrúlega hress miðað við veikindin (er í tölvunni) en það má ekki hafa hann í tölvunni of lengi eftirlitslausann.
Bless í bili!

Ein Held starb vor 10 Jahren!

2008-02-06T12:19:00.000Z

Falco, mein Held, starb vor 10 Jahren. So lange wir uns an ihn erinnern, stirbt er NIE!!!

Annars konar annáll - nær því að vera hugleiðingar sem markast af áfengismagni í blóði

2008-01-17T17:44:00.000Z

Vegna þess að ég tel mig hafa gert árinu góð skil nú þegar á þessari bloggsíðu hef ég ákveðið að gera ekki dæmigerðan "klukku"annál (nema andinn komi yfir mig, en hann kemur þá bara eitthvað síðar), heldur smella inn smá pistli sem ég lagði grunninn að þegar ég sat á Hvids Vinstue við Kongens Nytorv í henni Kaupmannahöfn 17. desember 2007 (klukkan var um 2 e.h.) og sötraði Tuborg Julebrygg á meðan ég beið eftir að ástin mín hún Vaka kæmi til borgarinnar. Fyrir utan Vöku er G-meillinn annars uppfinning ársins 2007 og þakka ég Dagnýju kærlega fyrir að kynna mig fyrir þessu mikla undratæki sem nú eru stór þáttur í mínu lífi :)

Það hefur lengi staðið til að fara á stefnumót "með" Hvít (líkt og pabbi kallaði staðinn sem og fleiri Íslendingar) en flestir þekkja staðinn líklega sem Hvids Vinstue. Þetta var mikill uppáhaldsstaður hans. Staðurinn hefur einnig verið vinsæll viðkomustaður þystra Íslendinga í gegnum aldirnar, meðal annars mun Jónas Hallgrímsson hafa verið þarna tíður gestur. Staðurinn hefur einnig verið vinsæll hjá Dönum og á veggjum hans hanga margar myndir af frægum gestum staðarins. Eftirfarandi var skrifað þennan umrædda dag, en verst þykir mér þó að ekki fær hin fagra rithönd mín að njóta sín, sem versnaði umtalsvert eftir því sem bjórunum fjölgaði í maga mínum:

"Það er ekki ómerkilegt að sitja á Hvít og sötra Julebrygg, en flestir fá sér þó jólaglögg, sem virðist vera heitasti drykkurinn á köldum eftirmiðdegi í hjarta Kaupmannahafnar við Kóngsins Nýja-Torg. Í dag er 17. desember 2007 og það er ekki laust við að maður sé farinn að kippa (í svona 2-3 tær). Rakastigið í manni er því farið að hækka lítilsháttar en ekki líður manni ver þegar snakkað er á Dönsku allt i kringum mann og atmosfæren er jafn góð og raun ber vitni.

Nú er erfitt að fá þjónustu, staðurinn er orðinn fullur og ég var bara heppinn (nú fyrir 2 klst. síðan) að fá borð, náði nú augnkontakti. Fimmti Tub. Julebrygg liggur brátt í valnum.

Á sama borði og ég sitja bræður (ég hef fundið það út með því að hlera), báðir um áttrætt, og ræða um heyrnartæki. Nánar tiltekið heyrnartæki sem útiloka þrusk og stoj (líkt og danskurinn segir). Það slær svo öðru hverju úti fyrir þeim en þeir ná samt alltaf þræðinum aftur, eftir mis-langan tíma þó :) Þeir hittast greinilega ekki oft, spurningarnar sem þeir spyrja hvorn annan eru þess háttar, en það fer vel á með þeim. Ótrúlega en nú gaman að fylgjast með mannlífinu.

Á næsta borði sitja nokkrir samlandar mínir, og það eru ekki þeir fyrstu sem setjast við það borð síðan ég kom á svæðið. Það er eitthvað í fari þeirra (og þá væntanlega líka í mínu) sem gerir það að verkum að maður spottar þá alltaf í hópnum. Svo ekki sé talað um þegar þeir fara að hefja raust sína, ætli Íslendingar tali hærra en aðrar þjóðir (nema þó kannski ekki hærra en Svíjar). Það er kannski 66°N flíspeysan sem kemur upp um þá líka eða þá allir innkaupapokarnir sem þeir draga á eftir sér, hver veit?

Nú er ég farinn að hugsa mér til hreyfings, Vaka fer að koma með lestinni rúmlega 5. Áður en ég hætti verð ég samt að segja frá því að Dani (á næsta borði) talaði um "vini" mína Íslendingana sem Svía :) Óskaplegt er að við þurfum að vera svona lík Svía-grýlunni ;)

Adju mín kæru,

Kv. einn meir og fullur rétt fyrir jól"

2008-01-11T11:27:00.000Z

Squirrel playing football

2008-01-08T11:14:00.001Z

Bloggið árið 2007

2008-01-02T11:47:00.001Z

Árið 2007, fyrsta ár þessa bloggs, voru settar inn 315 færslur á það og rúmlega 7400 manns heimsóttu það. Ég þakka öllum sem lásu fyrir gott hljóð og skemmtilegar athugasemdir :) Megi þær verða fleiri í framtíðinni.

Gleðilegt nýtt ár!!!!!

2007-12-31T16:50:00.000Z

Kæru lesendur nær og fjær!!!

Gleðilegt nýtt ár, takk fyrir þau liðnu og vonandi verður árið 2008 jafn skemmtilegt og viðburðaríkt og árið sem er að líða. Megi gæfan fylgja ykkur.

Kær kveðja,
Óli og Ingimar

Gleðileg Jól!!!

2007-12-24T12:53:00.001Z

Kæru lesendur,
gleðileg jól og hafiði það nú sem allra best mín kæru!!!
Hugheilar jóla- og saknaðarkveðjur héðan frá Århus, þar sem við Vaka mín bíðum eftir jólunum með hinu kóngafólkinu í ríki Margrétar Danadrottningar.

Með jólakveðju,

Óli og Ingimar jólabarn, sem er örugglega núna að fara á límingunum af spenningi :)

Kominn til útlandsins

2007-12-19T20:58:00.000Z

Já þá er maður kominn til DK, nánar tiltekið til Odense. Prófin tvö sem ég fór í eru því búin, ég búinn að hrynja í það með skólafélögunum, búinn að vera hjá Degi frænda og Rósu spússu hans í tvær nætur í vellystingum líkt og endra nær og svo komum við Vaka til Odense í gær. Fyrir dyrum standa nú flutningar, stúlkan ætlar að tæma íbúðina sína fyrir jól og við förum því til Árósa á morgun, fimmtudag. Ég get ekki annað sagt en að ég hlakki nú til þessara flutninga og að geta komið sér fyrir í Árósum og farið að undirbúa jólin. Það sem annars er að frétta að ég er farinn að undirbúa nýársfærsluna mína. Hún verður í lengra lagi eins og fyrsta færsla þessa árs þar sem árið verður gert upp með einum eða öðrum hætti.
Ég kveð í bili, ekki fara í Kringluna (nema þið viljið missa vitið, eða svo segir mamma) nema þá á eigin ábyrgð!!!

Kv. Jóli

Vitfirring!!!

2007-12-11T21:37:00.000Z

Ef þú vilt komast að því að það er ekkert að þinni andlegu heilsu, miðað við mjög marga aðra kíktu þá á þetta:

Gúglaðu t.d. Lyftingablogg og/eða kíktu á linkinn hér fyrir neðan

Kreizzzzíness

Nýyrðasmíð

2007-12-11T17:21:00.002Z

Haft hefur verið samband við orðabókina, og spurt er hvort einhver kannist við orðið Kisutittlingur, kisutittlingur. Ungur maður, 4. ára, sem elur manninn mest á Norðurlandi og 5. hverja viku sunnan heiða, notar þetta orð óspart við vissar aðstæður og segir þá: "þetter er nú meiri kisutittlingurinn".
Orðabókinni er alls ókunnugt um tilurð þessa orðs en biður alla sem heyrt hafa nafnsins getið eða vita hvað það þýðir eru beðnir um að tjá sig um það í athugasemdum á þessari síðu.

Gamla Óla sprorðrennt án nokkurrar fyrirhafnar!!

2007-12-10T16:27:00.001Z

Stráksi vill helst bara stór stykki, eintóm, þegar hann gæðir sér á últrasterka ostinum Gamle Ole. Sjón er sögu ríkari.

Illur sjóræningi á náttfötum á ferð

2007-12-10T16:26:00.001Z

Já, maður getur verið töffari...

2007-12-10T16:18:00.001Z

2007-12-08T14:28:00.000Z

Heheheh, það er til vistfræðingur sem heitir Rosenzweig (grein á rós - rósagrein). Hann eða hún hefur heldur betur fundið sér starfsheiti sem sæmdi ættarnafni hans, jú eða hennar :) (óskaplega er maður eitthvað karllægur).

Jákvæðni

2007-12-08T12:56:00.000Z

er dyggð, eða það mætti alla vega ætla miðað við viðbrögðin við lofræðu minni um vistfræði hér um daginn. Nú er ég sem sagt að lesa blessaða vistfræðina og hef ekki skilið alveg við hana (jákvæðnina) en óskaplega er ég samt orðinn þreyttur á öllu þessu hugtakaflóði sem ausið er yfir mann. Ég er því að hugsa um að fá mér rölt í bæinn á eftir og láta jólaandann (ef til vill brjálæðið) veita mér inspírasjón til að halda baráttunni áfram.

Njótið aðventunnar mín kæru!!!

Kv. frá Óla sem alltaf er í skóla

Andi kirkjunnar?

2007-12-04T11:32:00.000Z

Getraun

2007-12-03T16:11:00.001Z

Af hvaða "stórfljóti eru eftirfarandi myndir?
Þær voru teknar í lok nóvember 2007.

Tekið uppeftir ánni.

Tekið niðureftir ánni.

Hugvekja

2007-12-01T11:37:00.000Z

Það er alltaf gaman að læra eitthvað nýtt. Nú þegar ég sit og læri fyrir virstfræðipróf haustsins finnst mér það bara gaman (hver hefði trúað því að þessi orð ættu eftir að koma frá mér?). Vistfræðin er flókin vísindi sem þarf að taka inn marga þætti til þess að hægt sé að nota hana til að álykta um framtíð og þróun lífs á jörðinni.
Í haust, vegna þýðingar minnar á skýrslunni um fornleifauppgröftinn í Gautavík í Berufirði og eftir ótalmargar umræður við Dagnýju fornleifafræðing og vini hennar, hef ég líka komist í tæri við fornleifafræðina. Líkt og með vistfræðina finnst mér fornleifafræðin mjög spennandi, en þetta eru ótrúlega ólík vísindi.
Annars vegar er leitast eftir í vistrfræðinni að sjá fyrir hvernig vistkerfi hafa breyst og hvernig þau munu breytast og líta út í framtíðinni. Hvernig þau munu bregðast við t.d. loftslagsbreytingum og hvernig hægt er að nota "hugmyndafræði" vistkerfanna og yfirfæra þau yfir á okkur mennina og gera umhverfi okkar að vistkerfum (Industrial Ecology). Fornleifafræðin hins vegar lítur um öxl, reynir að segja okkur hvernig forfeður okkar lifðu og hrærðust, nytjuðu jörðina og sjóinn.

Hvaða nýju vísindum ég kynnist næst er ekki gott að vita, en ég mæli með að þið staldrið við og njótið þess sem þið lærið á hverjum einasta degi því þegar þeim punkti er náð finniði að þið eruð á réttri hillu!

Lifið heil.

Að sjá ljósið - eða upplifa það

2007-11-28T13:44:00.000Z

Fyrir ekki svo margt löngu sagði góð vinkona mín mér sögu af því þegar hún fór út að hlaupa um 3 að nóttu (já, rétt athugað, hún er dáldið kúkú). Hún var búin að vera að læra lengi og vantaði að hlaða batterýin fyrir áframhaldandi baráttu. Annar skóþvengur hennar losnaði og þurfti hún því að stoppa og hnýta hann. Var henni þá allt í einu litið upp og við henni blasti ljósið frá friðarsúlunni sem konan Yoko Ono fékk menningarelítuna á Íslandi til að reisa í Viðey (sjá mynd)

Var þá eins og herskarar himnanna hryndu niður til hennar og hún fylltist miklum eldmóði og gleði (sem entist reyndar ekki lengi því hún hringdi svo hálf grenjandi í mig stuttu síðar í von um að ég vorkenndi henni og myndi væla með henni, hún hótaði meðal annars að hætta í náminu. Það gerðist ekki, ég sparkaði aðeins í hana og nú plummar hún sig fint, hefur dregið úr drykkjunni því annars þarf hún að éta hatt sinn 14. des.).

Ég sjálfur hef hins vegar ekki séð ljósið, nema þá í þeim Vöku og Ingimar, en hins vegar var ljósið og birta mér nokkuð hugleikin á ferð minni hringinn í kringum landið sem ég lagði upp í á miðvikudaginn í síðustu viku. Ég keyrði alla leið austur á Norðfjörð þann sama dag og í ferðinni tók ég þessar myndir. Sjáið, njótið og upplifið...

Hekla séð úr vestri í morgunmistri

Brúin yfir minni Jökulsárlóns

Þessi er tekin í Lóninu og má þarna sjá Stokksnesið austanmeginfrá.

Lónið og Stokksnesið

Kvöldsól í Lóni

Kvöldsól við Mývatn

Naflakusk

2007-11-27T16:17:00.000Z

Naflakusk getur verið hvimleitur andsk., eða það finnst mér alla vega. Á netslóðinni http://www.visindavefur.hi.is/svar.php?id=6707 er hægt að lesa sé til um ástæður þess af hverju naflakusk myndast. Ég geri ráð fyrir að þetta sé meira "vandamál" hjá karlmönnum (alla vega hjá þeim sem farið er að vaxa hár) en konum, nema þær séu með mjög loðinn maga. Fann þess lýsingu á veraldarvefnum: Your typical generator of bellybutton lint or fluff is a slightly overweight, middle-aged male with a hairy abdomen. Ekki slæm lýsing þetta, en þar sem ég er ekki overweight tek ég þetta ekki til min :)
Góðar stundir!!!

Brennandi áhugi...

2007-11-20T15:31:00.000Z

Tilefni þessarar blogg-færslu er margvíslegt. Fyrir það fyrsta heyrði ég brot úr útvarpsþætti rúmlega eitt í dag, strax á eftir dánarfregnum og jarðarförum (ef til vill táknrænt) þar sem flutt var viðtal við konu, sem þulurinn sagði svo skemmtilega að hefði brennandi áhuga á helförinni. Hvort þetta sé viðeigandi orðalag læt ég liggja á milli hluta en verð þó að viðurkenna að þetta hljómaði nú eitthvað skringilega í mín eyru.
Annað tilefni þessarar færslu er svo auðvitað að þetta er færsla númer 300 á þessu ári. Í dag líður mér því eins og fegurðardrottningu sem brosir í gegnum tárin af einskærri gleði og hamingju og það sem ég óska mér heitast er að sjálfsögðu "world peace". Þessi ósk mun hins vegar að öllum líkindum aldrei rætast þar sem ég er búinn að segja frá henni opinberlega (held maður megi ekki segja frá óskum sínum). Vil svo við þetta tækifæri þakka öllum þeim sem hafa lesið bloggið mitt, en þeir geta nokkurn vegin hengt sig upp á það (þó ekki í orðsins fyllstu merkingu) að færslur næstu ára verða ekki fleiri en á þessu ári. Alla vega ekki miðað við andleysið þessa dagana!!
Þriðja ástæðan sem mér svo dettur í hug er sú að ég var að klára þýðinguna mína ógurlegu núna um helgina og eitt smáverkefni í dag og því gaf ég mér tíma til að smella inn þessum óskapnaði. Nú er hins vegar komið að smá klukkubloggi, svo ég geti í framtíðinni lesið hjá sjálfum mér hvað á daga mína dreif síðustu vikur.

Um þarsíðustu helgi, nánar tiltekið mjög snemma á laugardagsmorgninum 17. nóvember, sótti ég kæra vinkonu mína hana Lilju til þess að taka hana með mér á rjúp norður í Hjaltadal, nánar tiltekið til fyrrum vinnufélaga míns hans Ólafs Sigurgeirssonar. Ólafur þessi er einn af fulltrúum Sveitarfélagsins Skagafjarðar í þættinum Útsvari á RÚV. Leiðin norður gekk hins vegar ekki áfallalaust fyrir sig, þó sérstaklega ekki fyrir hana Lilju. Málið er að Lilja fór í vinnustaðapartý (þó ekki með meizz með sér) kvöldið áður og var á bíl. Ætlaði ekki að fá sér í glas vegna ferðarinnar daginn eftir en vegna þess að hún er dáldið "ginkeypt fyrir vín" (eigið orðatiltæki) gat hún ekki staðist freystingarnar og fékk sér í það minnsta í litlu tærnar. EN til þess að gera langa sögu stutta þurftum við að stoppa í Víðigerði á Víðidal (á malarplaninu) til að Lilja gæti farið út að fá sér frískt loft. Sú ferð endaði með því að það leið yfir hana, hún fékk sár á baki og marði öxl og höfuð. Hún ofandaði greinilega svona greyið að svona fór. Ég hótaði svo að skilja hana eftir á elliheimilinu á Blönduósi ef hún tæki sig ekki saman í andlitinu (sem hún svo og gerði) og var eins og nýsleginn túskildingur eftir einn Sóma á bensínstöðinni á Blönduósi. Ég verð að viðurkenna að þetta var nú frekar skrítin lífsreynsla, að horfa í hliðarspeglinum á þegar líður yfir manneskju en þar sem hún meiddi sig ekki mikið er hægt að segja frá þessu og hlægja líka (mér finnst þetta alla vega frekar fyndið). Veiðiferðin gekk svo bara oggu pínu vel, ég fékk eina rjúpu og svo stoppuðum við Lilja á Pottinum og pönnunni á leiðinni til baka, en þeir eru með útibú á Blönduósi. Það er vel hægt að mæla með þeim stað!!! Þjónustan er góð og maturinn líka og fær því 3* af 5* mögulegum.

Síðasta vika var svo sú síðasta sem ástin mín hún Vaka var á landinu (hún fór aftur út til Odense á sunnudaginn (í gær)). Þessi mánaðardvöl hennar á Íslandi endaði með að verða eldskírn okkar í að búa saman þar sem við vorum allan tímann á T12. Ingimar var svo hjá okkur í viku og ég verð að hrósa Vöku fyrir hversu vel hún tók þeim krass-kúrsi (með öllu því sem fylgir að hafa 4. ára barn "á arminum" allan daginn) og frábært er að sjá hversu hrifinn Ingimar er af henni. Ég gæti alla vega ekki verið hamingjusamari með þau tvö :)

Ætli ég láti þetta ekki bara nægja í bili, er á morgun að fara austur á land til Ömmu á Norðfirði, svo verður haldið til Akureyrar til Magga og Rósu og komið við hjá Stínu frænku og fjölskyldu á sunndaginn. Já það er ljúft að vera í skóla ;)

"Klám", af ráðríki kvenna og svo meira "klám" í tilefni af 299. færslunni á þessu blessaða bloggi

2007-11-20T15:27:00.000Z

2007-11-03T11:50:00.001Z

2007-10-30T18:10:00.000Z

Já maður er á lífi, en notar nú hverja mínútu sem gefst til að læra eða vinna (tvær min fyrir þessa færslu verða að nægja). Stráksi er hérna fyrir sunnan hjá okkur Vöku, litlu fjölskyldunni, og þar sem aðal barnapían (mamma) er að spóka sig í Berlin hefur maður nóg að gera :) Ég hef ekki verið í þessari stöðu frá því ég bjó fyrir norðan, að vera með hann einn allan daginn, og verð ég að segja að þetta er alveg frábært. Auðvitað er gott að hafa múttu og það auðveldar lífið mjög en þetta er alvöru :) Okkur Vöku ferst þetta líka bara vel úr hendi, hún er einmitt með I í afmæli hjá Leif, bróður sínum núna og svo þarf að elda í kvöld (ef þau koma ekki södd úr afmælinu ;) Hér er eldað á hverjum degi, soðinn fiskur í gær, læri á sunnudaginn svo að þetta er hard core!!!

Nú er það hins vegar Gautavíkur-þýðingin sem kallar. Textinn er mjög lélegur á frummálinu (nema ég sé svona lélegur í þýskunni hehehe), setningar sem ná yfirleitt yfir fjórar línur með fullt af aukasetningum og nú er vankunnáttan í fornleifaræðinni farin að segja til sín. Dagný er mér hins vegar innan handar svo þetta reddast, eins og alltaf :)

Góðir hálsar, bless í bili (tvöföldu) og ég hlakka til þegar þessari törn líkur!!!

Allt er nú til :) Hvað getur maður sagt???

2007-10-27T15:02:00.001Z

295. færslan,

2007-10-26T09:06:00.000Z

og auðvitað eru það Wulf og Morgenthaler sem fá heiðurinn af því að vera númer 295. Gleðin í sinni sem fylgir þessum stuttu ræmum er hreint með ólíkindum.

Myndir út og suður frá ferðinni til Odense, Köben og Berlin

2007-10-23T10:03:00.000Z

Til að sjá útskýringar með hverri mynd þarf að velja albúmið og skoða það online eða velja kommentaboxið niðri vinstramegin.

Þemamyndir...

2007-10-23T09:44:00.001Z

Föndrari af lifi og sál

2007-10-11T22:51:00.001Z

Vegna fádæma undirtekta við síðustu mynd og heillaóska vegna þess með hvaða stórveldi stáksi heldur með í íslensku íþróttalífi ákvað ég að bæta við mynd af honum, að föndra, með að ég held nýjustu tengdadóttur minni. Hann á víst tvær kærustur en hin hefur ekki enn náðst á mynd með honum. Ef ég veit rétt er þetta dóttir kaupfélagsstjórans á Króknum og eins og glöggir sjá fer vel á með þeim skötuhjúum.

Til þess hins vegar að svara þeim gagnrýnisröddum sem heyrðust tengdar síðustu mynd sem birt var af Ingimar með KR-húfuna langar mig bara að segja þetta. 1. KR var ekki í fallsæti, þó svo að fjölgað hafi verið í deildinni. 2. KR-ingar þurfa ekki að lifa við það að hafa unnið bikarinn i knattspyrnu með því að draga vígtennurnar úr andstæðingnum. 3. Það sýnir sig bara að þessi blessuðu börn sem eru með KR-ingnum mínum á leikskóla láta ekki það á sig fá þótt einn sé öðruvísi og haldi með stórveldi í íþróttum í Íslandi og láta ekki einhverja afbrýðisemi koma fram í einhverjum látalætum sem stundum getur plagað þá sem ekki hafa stjórn á afbrýðisemi sinni ;)
Lifið heil, og áfram KR :)

Mynd af prinsinum í ham á leikskólanum Furukoti, Sauðárkróki

2007-10-10T23:05:00.001Z

Hann er þarna með KR-húfuna í miðjunni :) ekki slæmt uppeldi þetta hehehe

Í útlandinu

2007-10-08T15:17:00.000Z

Þetta er helvíti magnað, maður er ekki fyrr kominn á erlenda grundu þá fær maður pípandi og uppsöl. Ég hlýt að hafa valið þessa tímasetningu til að geta fengið þjálfaða hjúkrunarkonu og verðandi lækni til að sjá um mig!!! Ég er nú allur að skríða saman eftir allsherjar úthreinsun síðustu 12 tímana svo landið fer rísandi.
Ha' det!!

Odense ó Odense

2007-10-05T19:54:00.001Z

Þá er ég kominn til Odense, til elsku Vöku minnar og því hefur AndVakan runnið sitt skeið, í bili :)

Þrjár nætur

2007-10-02T10:28:00.000Z

Nú eru einungis þrjár nætur þar til ég fer til elsku Vöku minnar.
Aðrar fréttir af mér eru þær að ég tók að mér þýðingu á skýrslu um fornleifauppgröft að Gautavík í Berufirði. Skemmtilegt verkefni sem ég fæ auðvitað allt of lítið greitt fyrir, en peningar eru peningar, sama hversu fáir þeir eru :) Ég er líka kominn með leiðbeinanda, hann Ólaf Árnason sem kenndi mér í SEA í vor. Ég er mjög ánægður með það og því er líka á dagskránni að skrifa paper proposal að lokaverkefninu á næstu dögum. Eitthvað er ritgerð í EIA að þvælast fyrir þarna en hún verður tekin með tromi, í síðasta lagi þegar ég kem aftur heim frá útlandinu 20. okt. Já þetta verður langt úthald en langþráð. Auðvitað er stefnt að því að setja reglulega inn myndir af ferðinni.
Myndavélin verður alla vega tekin með, sem og fartölvan, svo þetta ætti að verða leikur einn.

Þetta er svo einfalt, plástur dugir :)

2007-10-01T10:17:00.001Z

17. september

2007-09-28T11:48:00.000Z

Þann 17. september síðastliðinn setti ég inn eina litla dagbókarfærslu sem vakið hefur mikla hrifningu, miðað við kommentin alla vega. Þetta gleður mitt litla hjarta mjög :) Komið hefur í ljós að það sem ég kalla dagbókarfærslu heitir á máli sérfræðinga klukku-blogg/færsla (á vandaðri Íslensku). Ég get hins vegar ekki státað af elstu klukkufærslu allra tíma (enda nýr í bloggheimum) en Dagný er með færslu um hana hér.
Góðar stundir!!!

"72 fjölskyldur borga bíl útvarpsstjóra"

2007-09-27T14:03:00.000Z

var yfirskrift fréttar á visir.is 19. september síðastliðinn. Samantekið var fréttin um það að afnotagjöld sjötíuogtveggja fjölskyldna fer í að borga af rekstrarláni bíls útvarpsstjóra, sem er bíll af gerðinni Audi Q7 og ódýrasta týpan er 3.0 TDI® 5 d. 233 hö. 6 g. tiptronic® sjálfsk. quattro® og kostar litlar 7.990.000.- (rétt tæpar 8 milljónir króna). Dýrasta útfærslan er á rétt tæpar 10,2 milljónir.
Lítil sem engin umræða hefur farið fram um þetta í fjölmiðlum landsins og þykir mér það miður því óneitanlega kemur þetta manni spanskt fyrir sjónir. Sérstaklega þegar litið er á arfa slaka dagskrá ríkisfjölmiðilsins, svona fyrir utan eina og eina ódýra öðruvísi mynd eða þætti sem slæðast á skjáinn, þá helst seint á kvöldin því síbyljan frá US and A hefur að sjálfsögðu forgang til að gera okkur áhorfendur heiladauðari en nokkru sinni. Þetta hefur greinilega sín tilætluðu áhrif fyrst við kokgleypum þessar fréttir af glæsibifreiðinni, segjum já og amen, og kyngjum svo!!!

Skuggahliðar mannanna

2007-09-27T13:29:00.000Z

Fyrir ekki svo löngu síðan, eða 22.8.2007, var fjögurhundruðasta manneskjan á dauðadeildinni (Death Row) í Texas tekin af lífi með banvænni sprautu. Lög um að taka fanga af lífi með banvænni sprautu voru sett sett 1977 en voru fyrst notuð til að ákvarða aftöku Charlie Brooks árið 1982. Á árunum 1819 til 1923 tíðkaðist að hengja fangana á dauðadeildinni og á árunum 1923-1977 var rafmagnsstóllinn notaður. Á tíma rafmagnsstólsins voru 361 fangi tekinn af lífi. Þeir sem hafa horft á The Green Mile muna e.t.v. eftir hversu hrottalegt aftökutæki rafm.stóllinn var og ekki var óalgengt að mistök væru gerð við þá framkvæmd.
Þessar upplýsingar eru fengnar af Death row information síðu The State of Texas, sem ég flæktist inn á þegar fjallað var um 400 fangann á vefmiðli politiken.dk. Það sem einnig er að finna á þesari síður eru upplýsingar um síðustu orð fanga fyrir aftöku, sem um margt eru athyglisverð þar sem mjög margir lýsa yfir hversu trúaðir þeir séu orðnir og að þeir séu auðvitað saklausir (spurning hversu mikið mark er takandi á því). Að lokum langar mig til að benda á er eftirfarandi:

Gender and Racial Statistics of Death Row Offenders

Race	Female	Male	Total
White	5	107	112
White	50.0%	29.6%	30.1%
Black	5	147	152
Black	50.0%	40.6%	40.9%
Hispanic	0	104	104
Hispanic	0.0%	28.7%	28.0%
Other	0	4	4
Other	0.0%	1.1%	1.1%
TOTAL	10	362	372
TOTAL	100.0%	100.0%	100.0%

Auðvitað eru flestir afbrotamannanna svartir, næstir eru hvítir og hispanics eru þarna rétt fyrir neðan. Aðrir virðast svo ekki brjóta mikið af sér í Texas. Ætli þessi tölfræði sé tilviljun eða brjóta svartir bara meira af sér en aðrir kynþættir? Bendi reyndar á að hvítar konur eru jafn margar svörtum sem teknar hafa verið af lífi (hver svo sem ástæðan er fyrir því).

Þetta voru þankar mínir á fimmtudegi, 8 dögum áður en ég fer til Vöku minnar, úti er mígandi rigning og vart hundi út sigandi!!

Rétt að klára...

2007-09-24T12:26:00.000Z

Nú er rétt að klára það sem ég byrjaði að pára á netið í gær. Inspírasjónin eru viðbrögð nokkurra vina G. Lilju við færslu hennar um vandræði gæsaveiðimanna að komast í tún til að murka lífið úr saklausum málleysingjunum. Það er vandræði þeirra veiðimanna sem eiga ekki vini, ættingja eða peninga til að kaupa sér aðgang að gæsalendum. Þetta er alveg rétt hjá henni, og fyrir mína parta er ég ekki tilbúinn til að borga morð fjár fyrir að skjóta gæsir né nokkurn annan fugl.
En hvað með gæsirnar í Reykjavík?
Það að gæsirnar á "túnum" Reykjavíkur séu látnar vaða svona uppi skil ég ekki. Þær eru bara til óþurftar og ó-yndisauka (í mínum huga). Það þarf eitthvað að gera til að stemma stigu við fjölgun þeirra. T.d. er mín hugmynd að gefa út veiðidaga á þær og banna alla umferð á sama tíma, nema þá auðvitað á ábyrgð þeirra sem brjóta útgöngubannið. Þetta myndi hreinsa borgina af fuglaskít sem orðið er allt of mikið af. Spurning hvor íhaldsmenn ættu ekki að koma þessu á framfæri við flokkssystkini sín í borgarstjórn? Þetta myndi á sama tíma leysa vanda veiðimanna eins og G. Lilju sem ekki hefur auðveldan aðgang að túnum landsins. Þetta er alla vega hugmynd

Falco - Jeanny Part1

2007-09-24T11:21:00.001Z

Vegna þess að það liggur vel á mér í dag (líkt og flesta aðra daga) mæli ég með að þið gleðjist með mér og hlustið á hinn ódauðlega Falco og Jeanny Part1. Ódauðlegt hreint út sagt, pínu tragískt en samt gleðilegt á sama tíma :) Segir kannski margt um minn tragí-kómíska húmör (eða hvernig sem þetta er skrifað)

12...

2007-09-23T10:56:00.000Z